நெருகி நெருங்கி பழகும் போது

பெண் : காதல் சரித்திரத்தை படிக்க வாருங்கள்
ஆசை அரங்கேறி நடிக்க வாருங்கள்
காதல் சரித்திரத்தை படிக்க வாருங்கள்
ஆசை அரங்கேறி நடிக்க வாருங்கள்
பெண் : {மேகத்தை ஊஞ்சலிட்டு ஆட வைத்த
மேனி இங்கே
மோகத்தை ஆடையிட்டு மூடி வைத்த
ராணி இங்கே} (2)
கொதிக்கும் கோடை தணிக்கும் வேளை
கடைக்கண் ஜாடை தொடுக்கும் பார்வை
பெண் : காதல் சரித்திரத்தை படிக்க வாருங்கள்
ஆசை அரங்கேறி நடிக்க வாருங்கள்
ஆண் : வளைக் கைக்கொண்டு வளைக்கும் செண்டு
செவ்விளநீரை இடைத் தாங்கும் இளம் வாழைத்தண்டு
வளைக் கைக்கொண்டு வளைக்கும் செண்டு
செவ்விளநீரை இடைத் தாங்கும் இளம் வாழைத்தண்டு
மலர் தேன் உண்டு பனிக்கண் கொண்டு
தன் மகராஜன் குடியேற வரும் நேரம் இன்று
ஆண் : கொடிக்குள் ஆடும் கனிக்குள் ஊறும்
இனிக்கும் சாரம் கிடைக்கும் காலம்
ஆண் : ஆனந்த நாடகத்தை
ஆட வந்த பாத்திரங்கள்
ஆரம்ப நாளை
எண்ணி காத்திருக்கும் நேத்திரங்கள்
ஆண் : காதல் சரித்திரத்தை படிக்க வந்தாயோ
ஆசை அரங்கேறி நடிக்க வந்தாயோ
பெண் : இயற்கை காட்சி நமக்கோர் சாட்சி
நம் ராஜாங்கம் நாள்தோறும் ரதிதேவன் ஆட்சி
இதழ் வாய் திறந்து எடுத்தேன் விருந்து
என் மலர்மேனி நோகாமல் மெதுவாக அருந்து
பெண் : பனிப்புல் மீது படுக்கைப்போட்டு
மணக்கும் கவிதை மனம்போல் தீட்டு
ஆண் : மலைமேல் நின்று கலைமான் ஒன்று
உன் விழிப்பார்த்து விளங்காமல் வழிமாறும் இன்று
பெண் : மழைநீர் கொண்டு முகில் போல் வந்து
செந்தளிர் பூவை தாலாட்டு தலைவா நீ இன்று
ஆண் : சிலிர்க்கும் அங்கம் சிவக்கும் வண்ணம்
பெண் : அணைக்கும்போது மயங்கும் மாது
காதல் சரித்திரத்தை படிக்க வாருங்கள்
ஆசை அரங்கேறி நடிக்க வாருங்கள்
இருவர் : ஆஹாஹா ஆஹஅஹா ஆஹஅஹா…..