கமல் கவிதை

பாடகி : த்ரிஷா கிருஷ்ணன்

பாடகர் : கமல் ஹாசன்

இசையமைப்பாளர் : தேவி ஸ்ரீ பிரசாத்

பெண் : கண்ணோடு கண்ணை
கலந்தால் என்றால்
கலங்கம் உள்ளவள்
எச்சரிக்கை

பெண் : உடனே கையுடன்
கை கோர்த்தாளா
ஒழுக்கம் கெட்டவள்
எச்சரிக்கை

பெண் : ஆடை களைகையில்
கூடுதல் பேசினால்
அனுபவம் மிக்கவள்
எச்சரிக்கை

பெண் : கலவி முடிந்தபின்
கிடந்து பேசினால்
காதலாய் மாறலாம்
எச்சரிக்கை

பெண் : கவிதை இலக்கியம்
பேசினாலாயின் காசை
மதியால் எச்சரிக்கை

பெண் : உன்னுடன் இருப்பது
சுகம் என்றாளா
உறுதியாய் சிக்கல்
எச்சரிக்கை

பெண் : அறுவடை கொள்
முதல் என்றே காமம்
அமைவது பொதுவே
நலமாக கொள்

பெண் : கூட்டல் ஒன்றே
குறி என்றானபின்
கழிவது காமம்
மட்டும் எனக்கொள்

பெண் : உன்னை மங்கையர்
என்னென கொள்வர்
யோசிக்காமல்
வருவதை எதிர்கொள்

பெண் : முன்னும் பின்னும்
ஆட்டும் சகடை ஆணும்
பெண்ணும் அதுவே
எனக்கொள்

பெண் : காமம் எனப்படும்
பண்டை செயலில்
காதல் கலவாது
காத்துகொள்

பெண் : இப்பெண்ணுறைக்கு
எதிராய் ஆணுரை ஒன்றை
இயற்ற துணியும் அணி
சேர்த்துகொள்

ஆண் : ஆஹா இயற்ற
துணியும் அணி
சேர்த்துக்கணுமா
துணிவே அணியும்
துணி என்றானபின்
அணி ஒன்று எதற்கு
தனியே வருவேன்

பெண் : அப்படி வாங்க
வழிக்கு ஓ நீங்க
கவிஞர் தானே

ஆண் : கில்டி
அஸ் அக்கியூஸ்ட்
பெண் : அப்போ
ஜட்ஜ்மெண்ட்
சொல்றேன்
ஆண் : சொல்லுங்க
பெண் : பதிலுக்கு நீங்க
ஒரு கவிதை சொல்லணும்
அதான் தண்டனை

ஆண் : யாருக்கு
பெண் : அது கவிதைய
கேட்டா தானே
தெரியும்
ஆண் : ஆஹான்
ஹா ஹா ஹா சரி
சொல்றேன் ஆனா
நீங்க கோவிச்சுக்க
கூடாது
பெண் : ஏன் பெண்களை
பத்தி கேலியா
ஆண் : ச ச அதெல்லாம்
இல்லைங்க இது ஒரு
பெண்ணுடைய
வேண்டுகோள் மாதிரி
ஒரு பெண் தன்
தெய்வத்துகிட்ட
பாடுற தோத்திர பாடல்

பெண் : ஓ நீங்க
பக்திமானா
ஆண் : அதெல்லாம்
இல்லேங்க நான்
புத்திமானானே
கேள்விகுறியா இருக்கு
பெண் : கவிதைய கேட்டா
கேள்விகுறி ஆச்சர்ய
குறியா மாறலாம்
இல்லையா
ஆண் : ஹ்ம்ம்
மே பி மே ஐ
பெண் : ப்ளீஸ்

ஆண் : கலவி செய்கையில்
காதில் பேசி கனிவாய்
மெலிதாய் கழுத்தை
கவ்வும் வெள்ளை
பளிச்சிடும் பற்கள்
வேண்டும்

ஆண் : குழந்தை வாயை
நுகர்ந்தது போல கடும்
நாற்றம் இல்லாத
வாயும் வேண்டும்

ஆண் : காம கனவுகள்
கலையும் வேளையில்
கூட நின்றவன் உதவிட
வேண்டும்
குழு : வேண்டும்
சமையலின் போதும்
உதவிட வேண்டும்
குழு : வேண்டும்
சாய்ந்து நெகிழ்ந்திட
தின் தோள் வேண்டும்
குழு : வேண்டும்

ஆண் : மோதி கோபம்
தீர்க்க வசதியாய்
பாறை பதத்தில்
நெஞ்சும் வேண்டும்
குழு : வேண்டும்

ஆண் : அதற்கு பின்னால்
துடிக்கும் இதயமும் அது
ரத்தம் பாய்ச்சி நெகுழ்த்திய
சிந்தையும் மூளை மடிப்புகள்
அதிகம் உள்ள மேதவிலாச
மண்டையும் வேண்டும்
குழு : வேண்டும் வேண்டும்
வேண்டும் வேண்டும்

ஆண் : வங்கியின்
இருப்பு வீட்டில்
கருப்பென வழங்கி
புழங்கிட பணமும்
வேண்டும்
குழு : வேண்டும் வேண்டும்
வேண்டும் வேண்டும்

ஆண் : நேர்மை வேண்டும்
பக்தியும் வேண்டும்
எனக்கென சுதந்திரம்
கேட்கும் வேளையில்
பகுத்தறிகின்ற புத்தியும்
வேண்டும்
குழு : வேண்டும்

ஆண் : இப்படி கணவன்
வர வேண்டும் என நான்
ஒன்பது நாட்கள் நோன்பு
இருந்தேன் வரம் தருவாள்
என் வரலட்சுமி என கடும்
நோன்பு முடிந்ததும் தேடி
போனேன்

பெண் : தேடி எங்க
போனா அந்த
பொண்ணு
ஆண் : பீச்சுக்கு தான்

ஆண் : பொடி நடை
போட்டே இடை
மெலியும் என
கடற்கரை தோறும்
காலையும் மாலையும்
தொந்தி கணபதிகள்
திரிவது கண்டேன்
முற்றும் துறந்து
மங்கையரோடு
அம்மண துறவிகள்
கூடிட கண்டேன்

பெண் : எங்க
டிவி லையோ
ஆண் : இஷ்……

ஆண் : மூத்த அக்காள்
கணவனுக்கு முக்கால்
தகுதிகள் இருந்தும் கூட
அக்காள் இல்லா வேளையிலே
அவன் சக்காளத்தி வேண்டும்
என்றான்

ஆண் : எக்குலம் ஆனால்
என்ன என்று வேற்று மதம்
வரை தேடி பார்த்தேன் வர
வர புருச லட்சணம் உள்ளவர்
திருமண சந்தையில் மிக
மிக குறைவு

ஆண் : வரம் தர கேட்ட
வரலட்சுமி உனக்கு
வீட்டுக்காரர் அமைந்தது
எப்படி நீ கேட்ட வரங்கள்
எதுவரை பலித்தது
உறங்கிகொண்டே இருக்கும்
உந்தன் அரங்கநாதன் ஆள்
எப்படி

ஆண் : பிரபந்தம் சொல்லும்
அத்தனை சேட்டையும்
வாஸ்த்தவமாக நடப்பது
உண்டோ இதுவும் அதுவும்
உதுவும் செய்யும் இனிய
கணவர் யார்க்கும் உண்டோ

ஆண் : உனக்கேனும் அது
அமைய பெற்றால்
உண்மையிலேயே
அதிர்ஷ்டசாலிதான்
நீ அதுபோல் எனக்கும்
அமையச் செய்யேன்
ஸ்ரீ வரலக்ஷ்மி
நமோஸ்துதே