நான் கண்ணில்லாத பிள்ளை

பெண் : நான் கண்ணில்லாத பிள்ளை
இந்த மண்ணில் வாடும் முல்லை
இங்கு பாவப்பட்ட ஜென்மத்திற்கு
காவல் யாரும் இல்லை…
பெண் : நான் கண்ணில்லாத பிள்ளை
இந்த மண்ணில் வாடும் முல்லை
இங்கு பாவப்பட்ட ஜென்மத்திற்கு
காவல் யாரும் இல்லை…
ஆண் : மகனே கேள் மகனே கேள் மகனே கேள்
இயேசு வருகிறார்
அவர் முடவருக்கும் குருடருக்கும் வாழ்வு தருகிறார்
தேவனவன் திருவடியை வணங்கிடு தம்பி
அவர் ஜீவனிடம் காட்டுகின்ற கருணையை நம்பி
ஆண் : மகனே கேள் மகனே கேள் மகனே கேள்
இயேசு வருகிறார்
அவர் முடவருக்கும் குருடருக்கும் வாழ்வு தருகிறார்
தேவனவன் திருவடியை வணங்கிடு தம்பி
அவர் ஜீவனிடம் காட்டுகின்ற கருணையை நம்பி
பெண் : போதகரே போதகரே போதகரே
என்னை ரட்சித்து அருள்க
இந்த பாலகன் செய்த பாவத்தை போக்கி
பார்வையை நீ தருக என் பார்வையை நீ தருக
ஆண் : உன் பாவங்களை நான் வாங்கிக் கொள்கிறேன்
பாலகனே நீ எழுந்திடு
உன் பாரங்களை நான் தாங்கிக் கொள்கிறேன்
பார்வையை கொடுத்தேன் விழித்திடு
பார்வையை கொடுத்தேன் விழித்திடு
பெண் : இயேசுவின் அருளால் கண்ணொளி வந்தது
தேவக்குமாரன் வாழியவே
வானம் தெரிகிறது பூமியும் தெரிகிறது
விழிகளில் பார்வை வந்தது
எல்லாம் எங்கள் இயேசுவின் மகிமை
இயேசு நாதா இயேசு நாதா இயேசு நாதா…..